ఇంట్లోకి చొరబడి యువతిపై కాల్పులు

రాజధాని ఢిల్లీలో ఓ యువతి దారుణ హత్యకు గురైంది. కొందరు దుండగులు ఆమె ఇంట్లోకి చొరబడి తుపాకీతో కాల్పులు జరిపారు. జైత్‌పుర్ ప్రాంతంలో 24 ఏళ్ల యువతి నివాసముంటోంది. రాత్రి సమయంలో ఇద్దరు వ్యక్తులు యువతి ఇంట్లోకి చొరబటి ఆమెపై వరస కాల్పులు జరిపారు. దీంతో సదరు యువతి ఘటన స్థలంలోనే ప్రాణాలు విడిచింది. ఇరుగు పోరుగు వారు తుపాకీ శబ్ధం విని యువతి ఇంటికి వచ్చారు. హత్య చేసి పారిపోతున్న నిందితులను పట్టుకునేందుకు ప్రయత్నించగా వారు తప్పించుకున్నారు.