కేసీఆర్‌కు మద్దతు ఇవ్వండి: ఓవైసీ
TG: కాంగ్రెస్‌, భాజపాలు అవిభక్త కవలలని MIM అధినేత అసదుద్దీన్ ఓవైసీ విమర్శించారు. ఆ రెండు పార్టీలు ఆర్‌ఎస్‌ఎస్‌ సిద్ధాంతాల ప్రకారం నడుచుకుంటాయని మండిపడ్డారు. వచ్చే ఎన్నికల్లో ప్రజలు వారికి తగిన గుణపాఠం చెప్పాలన్నారు. నవంబర్‌ 30న జరిగే ఎన్నికల్లో మామ (కేసీఆర్‌)కు మద్దతివ్వాలని అసదుద్దీన్ పిలుపునిచ్చారు. ‘నేను బాధ్యత తీసుకుంటాను. ఎన్నికల్లో భారాసకు మద్దతివ్వండి. మామ (కేసీఆర్‌) మూడోసారి ముఖ్యమంత్రి అవుతారు. ప్రాంతీయ పార్టీలు ఉన్న చోటే అభివృద్ధి జరుగుతుంది’ అని ఓవైసీ అన్నారు.
