తెలంగాణ పరిశ్రమల శాఖ మంత్రి కేటీఆర్ మరోసారి కేంద్రంపై విమర్శలు గుప్పించారు. పీఎం కేర్స్‌ ఫండ్‌ని పబ్లిక్ ఛారిటబుల్ ట్రస్ట్‌గా పేర్కొంటూ దిల్లీ హైకోర్టుకు కేంద్ర ప్రభుత్వం ఇచ్చిన సమాచారాన్ని తప్పుబట్టారు.” ప్రభుత్వ చిహ్నం, వైబ్‌సైట్‌ని వినియోగిస్తూనే పీఎం కేర్స్ ప్రభుత్వ సంస్థ కాదని చెబుతున్నారు. ఇది సరైన పద్ధతి కాదు. ఎన్డీయే సర్కారు ప్రభుత్వ యంత్రంగాన్ని దుర్వినియోగం చేస్తుందనడానికి ఇదొక క్లాసిక్ ఉదాహరణ” అన్నారు. కరోనా వేళ కేంద్రం పీఎం కేర్స్‌ నిధిని ఏర్పాటు చేసింది.

తెలంగాణలో ముందస్తు ఎన్నికలు జరుగుతాయని చాలాకాలంగా ప్రచారం జరుగుతున్న వేళ మంత్రి కేటీఆర్ ఆసక్తికర వ్యాఖ్యలు చేశారు. ముందస్తుపై పరోక్షంగా సంకేతాలు ఇచ్చారు. ఎన్నికలు ఎప్పుడు వచ్చినా సిద్ధంగా ఉండాలని సూచించారు. పార్లమెంటు రద్దు చేసి ముందస్తుకు వస్తే… తాము కూడా సిద్ధంగా ఉన్నామని సవాల్ విసిరారు. గత ఎన్నికల వేళ కూడా సీఎం కేసీఆర్‌ ప్రభుత్వాన్ని రద్దు చేసి ముందస్తుకు వెళ్లిన సంగతి తెలిసిందే.