ఈ చిన్నారులు మృత్యుంజయులు

భారీ భూకంపంతో ఉక్కిరిబిక్కిరి అయిన సిరియాలో హృదయాలను ద్రవింపజేసే ఘటన చోటుచేసుకుంది. జిందెరిస్‌ పట్టణంలో ఓ భవనం శిథిలాల కింద ఓ బాలిక, తన తమ్ముడితో కలిసి ఇరుక్కుపోయింది. ఇద్దరు చిన్నారులు కొన్ని గంటల పాటు శిథిలాల కిందే ఉండిపోయారు. ఇద్దరు చిన్నారులు బిక్కుబిక్కుమంటూ ఉన్న ఫోటో నెట్టింట వైరల్‌గా మారింది. అయితే శ్లాబ్‌కు ఓవైపు నేల, మరోవైపు పిల్లర్‌ సపోర్టుగా ఉండటంతో వారు ప్రాణాలతో బయటపడ్డారు. శిథిలాల కింద ఉన్న సమయంలో తమ్ముడి ప్రాణాల కోసం బాలిక ఆరాటపడిన తీరు అబ్బురపరుస్తోంది.