పానీపూరి తిన్న ఏనుగు.. ఎక్కడంటే?

అసోంలోని తేజ్‌పుర్‌లో ఆసక్తికర దృశ్యం చోటుచేసుకుంది. ఏనుగు పానీపూరీ తింటుండగా కెమెరాకు చిక్కింది. ప్రస్తుతం ఈ వీడియో సామాజిక మాధ్యమాల్లో వైరల్‌గా మారింది. పానీపూరి బండి వద్దకు ఏనుగును మావటి వాడు తీసుకొచ్చాడు. బండి యజమాని ఒక్కొక్క పానీపూరిని ఏనుగుకు అందించగా.. తొండంతో తినేసింది. ఇలా తింటుండటం చూసి అక్కడి స్థానికులు కాస్త ఆశ్చర్యానికి లోనయ్యారు. గతంలో కోతి ఐస్‌క్రీం తినడం, శునకం కూల్‌డ్రింక్ తాగడం వంటి వీడియోలు నెట్టింట చక్కర్లు కొట్టాయి.