జడేజా వైరల్‌ వీడియోపై బీసీసీఐ వివరణ

నాగ్‌పుర్‌ టెస్టు తొలి రోజు సందర్భంగా రవీంద్ర జడేజాకు సంబంధించిన వీడియో ఒకటి సోషల్‌ మీడియాలో వైరల్‌గా మారింది. బౌలింగ్‌ వేసే క్రమంలో జడేజా తన చేతి వేలికి ఏదో రాసుకుంటూ కనిపించాడు. దీనిపై సామాజిక మాధ్యమాల్లో విపరీతంగా చర్చ జరిగింది. దీంతో బీసీసీఐ ఈ వీడియోపై క్లారిటీ ఇచ్చింది. జడేజా తన చూపుడు వేలికి నొప్పి నివారణ క్రీమ్‌ను రాసినట్లు స్పష్టం చేసింది. ఈ మేరకు ఐసీసీ మ్యాచ్‌ రిఫరీ ఆండీ పైక్రాఫ్ట్‌కు బీసీసీఐ సమాచారం ఇచ్చింది.