జుట్టుతో ప్రపంచ రికార్డు బద్దలు

ఉత్తరప్రదేశ్‌కు చెందిన 15 ఏళ్ల సిదక్‌దీప్‌ సింగ్ తన జుట్టుతో గిన్నిస్‌ రికార్డు సాధించాడు. ప్రపంచంలోనే అతి పొడవైన జుట్టు ఉన్న కుర్రాడిగా ఘనత సాధించాడు. ఈ విషయాన్ని గిన్నిస్‌ వరల్డ్‌ రికార్డ్‌ అధికారికంగా ప్రకటించింది. సిదక్‌దీప్‌ సింగ్ తన జీవితంలో ఇప్పటివరకూ జుట్టు కత్తిరించుకోలేదు. దీంతో ఈ 15 ఏళ్లలో అతడి జుట్టు ఏకంగా 146 సెంటీమీటర్లు పెరిగింది. ఈ రికార్డు దక్కడం పట్ల సిదక్‌దీప్‌ ఆనందం వ్యక్తం చేశాడు. జుట్టు పెంచుకోవడం అంత సులువు కాదని అతడు పేర్కొన్నాడు.