‘మగధీర’ రీరిలీజ్ రద్దుపై క్లారిటీ

సాంకేతిక కారణాల వల్ల ‘మగధీర’ సినిమాను రీరిలీజ్ చేయట్లేదని గీతా ఆర్ట్స్ ప్రకటించింది. 2009లో విడుదలైన మగధీర బ్లాక్‌బస్టర్ హిట్‌గా నిలిచింది. దీంతో రామ్‌చరణ్ పుట్టినరోజు సందర్భంగా ఈ సినిమాను స్పెషల్ ప్రింట్‌లో రీరిలీజ్ చేయనున్నట్లు మొదట్లో ప్రకటించారు. కానీ, మగధీర రీరిలీజ్ చేయడానికి వీలు కావట్లేదని గీతా ఆర్ట్స్ అధికారికంగా ప్రకటించింది. సరైన సందర్భంలో సినిమాను రీరిలజ్ చేస్తామని హామీ ఇచ్చింది. అయితే, చరణ్ బర్త్‌డేకు ‘ఆరెంజ్’ సినిమాను రీరిలీజ్ చేస్తున్నట్లు నాగబాబు ప్రకటించారు.