Galaxy Book 4 Series: శాంసంగ్‌ నుంచి అదిరిపోయే కొత్త ల్యాప్‌టాప్స్‌.. ఫీచర్లపై లుక్కేయండి!

ప్రముఖ టెక్‌ దిగ్గజం శాంసంగ్‌ (Samsung) అద్భుతమైన ల్యాప్‌టాప్‌లను సైతం రిలీజ్‌ చేస్తూ అందరి దృష్టిని ఆకర్షిస్తోంది. అయితే కొత్తగా ప్రీమియం ల్యాప్‌టాప్స్‌ను తీసుకొచ్చేందుకు శాంసంగ్‌ సన్నాహాలు చేస్తోంది. ‘Samsung Galaxy Book 4 Series’ పేరుతో అడ్వాన్స్‌డ్‌ ల్యాప్‌టాప్స్‌ను లాంచ్‌ చేసేందుకు సమాయత్తమవుతోంది. అయితే తాజాగా ఈ ల్యాప్‌టాప్స్‌కు సంబంధించిన సమాచారం నెట్టింట ప్రత్యక్షమయ్యింది. అవేంటో ఇప్పుడు చూద్దాం. 

ల్యాప్‌టాప్‌ వేరియంట్లు

శాంసంగ్‌ మెుత్తం ఐదు వేరియంట్లలో కొత్త ల్యాప్‌టాప్‌లను లాంచ్ చేస్తున్నట్లు తెలుస్తోంది. Galaxy Book 4, Galaxy Book 4 360, Galaxy Book 4 Pro 360, Galaxy Book 4 Pro, Galaxy Book 4 Ultra వేరియంట్లలో ఇవి మార్కెట్‌లోకి రానున్నాయి. 

ఇంటెల్‌ ప్రొసెసర్‌

నయా శాంసంగ్‌ ల్యాప్‌టాప్స్‌ పవర్‌ఫుల్‌ ఇంటెల్‌ కోర్‌ ప్రొసెసర్‌తో రానున్నాయి. Galaxy Book 4 ల్యాప్‌టాప్‌ Intel Core 5 120U ప్రొసెసర్‌తో వర్క్‌ చేయనుంది. అలాగే Galaxy Book 4 360 ల్యాప్‌టాప్‌ Intel Core 5 120Uతో, Galaxy Book 4 Pro 360 ల్యాప్‌టాప్‌ Intel Core Ultra 7 155Uతో, Galaxy Book 4 Pro ల్యాప్‌టాప్‌ Intel Core Ultra 7 155Uతో, Galaxy Book 4 Ultra ల్యాప్‌టాప్‌ Intel Core Ultra 9 185H ప్రొసెసర్‌తో పని చేయనున్నాయి.

ఆపరేటింగ్ సిస్టమ్‌

బుక్‌ 4 సిరీస్ ల్యాప్‌టాప్స్‌ అన్ని విండోస్‌ 11 ఆపరేటింగ్‌ సిస్టమ్‌తో పని చేయనున్నాయి. ఇవి డాల్బీ అట్మాస్‌ స్పీకర్స్‌, డిజిటల్ మైక్‌, టైప్‌-C అడాప్టర్‌, ఇంటెల్‌ గ్రాఫిక్స్‌, Bluetooth v5.1, Wi-Fi 6802.11 ax కెనెక్టివిటీ ఫీచర్లతో రానున్నాయి. 

టచ్‌ స్క్రీన్‌ 

Galaxy Book 4 ల్యాప్‌టాప్స్‌ అన్ని టచ్ స్క్రీన్‌ డిస్‌ప్లేతో వస్తాయని లీకైన సమాచారం చెబుతోంది. Galaxy Book 4 ల్యాప్‌టాప్‌ 15.6 అంగుళాల FHD LED స్క్రీన్‌తో వస్తుండగా.. Galaxy Book 4 360 ల్యాప్‌టాప్‌ 15.6 అంగుళాల AMOLED స్క్రీన్‌, Pro 360 ల్యాప్‌టాప్‌ 14 అంగుళాల AMOLED డిస్‌ప్లే, Pro ల్యాప్‌టాప్‌ 14 అంగుళాల AMOLED స్క్రీన్‌, Ultra ల్యాప్‌టాప్ 16 అంగుళాల AMOLED డిస్‌ప్లేతో రాబోతోంది. 

ర్యామ్‌ & స్టోరేజ్‌

Galaxy Book 4, Galaxy Book 4 360 ల్యాప్‌టాప్స్‌ 8GB RAMతో రానున్నాయి. అలాగే Pro 360, Pro ల్యాప్‌టాప్స్‌ 12GB RAMతో వస్తాయి. గెలాక్సీ బుక్‌ 4 అల్ట్రా ల్యాప్‌టాప్‌ 32GB RAMతో పనిచేయనుంది. 265GB, 512GB, 1TB ఆప్షన్స్‌లో స్టోరేజ్‌ వేరియంట్లను కలిగి ఉన్నాయి. 

లాంచ్ ఎప్పుడంటే?

త్వరలో శాంసంగ్‌ నిర్వహించబోయే ‘గెలాక్సీ అన్‌ప్యాక్డ్‌ ఈవెంట్‌’ (Galaxy Unpacked event)లో  Galaxy Book 4 సిరీస్‌ను లాంచ్ చేసే అవకాశముంది. ఆ రోజే ధరతో సహా ఇతర ఫీచర్లకు సంబంధించిన వివరాలను శాంసంగ్‌ ప్రకటించనుంది.