Google Pixel 8 Pro: గూగుల్‌ నుంచి కొత్త వేరియంట్‌ వచ్చేసింది.. ధర, ఫీచర్లపై ఓ లుక్కేయండి!

ఐఫోన్‌కు సమానంగా గూగుల్‌ (Google) ఫోన్లకు మార్కెట్‌లో మంచి గుడ్‌విల్‌ ఉంది. గూగుల్‌ గత నెలలో  Google Pixel 8 సిరీస్‌ను రిలీజ్‌ చేసింది. తాజాగా Google Pixel 8 Pro మోడల్‌ను గూగుల్‌ కొత్తగా భారత్‌లో లాంచ్‌ చేసింది. 8 సిరీస్‌ టెక్‌ ప్రియుల నుంచి మంచి ఫీడ్‌ బ్యాక్‌ రావడంతో కొత్త వేరియంట్‌పై అందరి దృష్టి పడింది. ఈ మెుబైల్‌ను అడ్వాన్స్‌డ్‌ ఫీచర్లతో తీసుకొచ్చినట్లు గూగుల్‌ ఓ ప్రకటనలో తెలిపింది. ఇందులోని స్టన్నింగ్‌ ఫీచర్లు మెుబైల్‌ ప్రియులను తప్పక ఆకర్షిస్తాయని గూగుల్‌ ప్రతినిధులు ధీమా వ్యక్తం చేస్తున్నారు. ఈ నేపథ్యంలో Google Pixel 8 Pro ప్రత్యేకతలు, ఫీచర్లు, ధర వంటి విశేషాలను ఈ ప్రత్యేక కథనంలో చూద్దాం. 

ఫోన్‌ స్క్రీన్‌

ఈ మెుబైల్‌ 6.7 అంగుళాల HDR10+ LTPO OLED స్క్రీన్‌ను కలిగి ఉంది. 120Hz రిఫ్రెష్‌ రేట్‌, 1344×2992 పిక్సెల్స్‌ రిజల్యూషన్, Gorilla Glass Victus 2 ప్రొటెక్షన్‌ను డిస్‌ప్లేకు అందించారు. Android 14 OS, Google Tensor G3 చిప్‌సెట్‌తో ఈ మెుబైల్‌ వర్క్‌ చేస్తుంది.

ర్యామ్‌ & స్టోరేజ్ 

ఈ మెుబైల్‌ రెండు వేరియంట్లను కలిగి ఉంది. 12GB RAM / 128GB ROM, 12GB RAM / 256GB స్టోరేజ్ వేరియంట్లలో లభిస్తుంది. ర్యామ్‌, స్టోరేజ్ అవసరాన్ని బట్టి నచ్చిన వేరియంట్‌ను సెలక్ట్ చేసుకోవచ్చు. 

బిగ్ బ్యాటరీ

Google Pixel 8 Pro స్మార్ట్‌ఫోన్‌కు పవర్‌ఫుల్‌ బ్యాటరీని ఫిక్స్‌ చేశారు. 5050mAh బ్యాటరీని అందించారు. ఇది 30W వైర్డ్‌, 23W వైర్‌లెస్‌ ఫాస్ట్ ఛార్జింగ్‌కు సపోర్ట్‌ చేస్తుంది. 30 నిమిషాల్లోనే 50% మేర మెుబైల్‌ను ఛార్జ్‌ చేసుకోవచ్చని కంపెనీ చెబుతోంది. 

కెమెరా నాణ్యత

ఈ గూగుల్‌ మెుబైల్‌ ట్రిపుల్ రియర్‌ కెమెరా సెటప్‌తో రూపొందింది. 50 MP ప్రైమరీ కెమెరా + 48 MP టెలిఫొటో సెన్సార్‌ + 48 MP అల్ట్రావైడ్‌ యాంగిల్ కెమెరాను అమర్చారు. వీటి సాయంతో నాణ్యమైన ఫొటోలు, 4K వీడియోస్‌ తీసుకోవచ్చు. ముందు వైపు 10.5 MP సెల్ఫీ కెమెరాను అమర్చారు. ఇది కూడా 4K వీడియోకు సపోర్ట్ చేస్తుంది. 

కనెక్టివిటీ ఫీచర్లు

ఈ మెుబైల్‌లో Wi-Fi 802.11, Bluetooth 5.3, GPS (L1+L5), అండర్‌ డిస్‌ప్లే Fingerprint సెన్సార్‌, యాక్సిలోమీటర్‌ (accelerometer), గైరో (gyro),ప్రాక్సిమిటీ (proximity) సెన్సార్ ఫీచర్లు ఉన్నాయి. అలాగే బారో మీటర్‌, స్కిన్‌ టెంపరేచర్‌ను పసిగట్టే థర్మోమీటర్‌ ఫీచర్లను ఫోన్ కలిగి ఉంది.

కలర్ ఆప్షన్స్‌

గూగుల్‌ పిక్సెల్‌ 8 ప్రో మూడు రంగుల్లో అందుబాటులో ఉంది. బే, ఒబ్సిడియాన్, పోర్సెలియాన్ కలర్స్‌లో గూగుల్‌ ఈ ఫోన్‌ను తీసుకొచ్చింది. మీకు నచ్చిన రంగును ఎంపిక చేసుకునే అవకాశాన్ని కల్పించింది. 

ధర ఎంతంటే?

Google Pixel 8 Pro మెుబైల్‌ ధరను వేరియంట్‌ను బట్టి గూగుల్‌ నిర్ణయించింది. 12 జీబీ ర్యామ్‌, 128 జీబీ స్టోరేజ్‌తో వచ్చిన మెుబైల్‌ ధరను రూ.1,06,999గా గూగుల్‌ ప్రకటించింది. 12 జీబీ ర్యామ్,  256 జీబీ ఇంటర్నల్ స్టోరేజీ వేరియంట్‌ను రూ.1,13,999లకు గూగుల్‌ విక్రయిస్తోంది.