ఈ వారంలో థియేట‌ర్/ ఓటీటీలో రిలీజ్ అవుతున్న తెలుగు సినిమాలు

కోబ్రా: ఆగ‌స్ట్ 31

ప్ర‌యోగాలు చేసేందుకు ఎప్పుడూ సిద్ధంగా ఉండే త‌మిళ హీరో విక్ర‌మ్ చేసిన మ‌రో ప్ర‌యోగాత్మ‌క చిత్రం కోబ్రా. ఈ సినిమాలో విక్ర‌మ్ విభిన్న గెట‌ప్స్‌లో క‌నిపించ‌నున్నాడు. ఈ మూవీకి అజయ్ జ్ఞానముత్తు ద‌ర్శ‌క‌త్వం వ‌హించాడు. ట్రైల‌ర్ ఆస‌క్తిక‌రంగా ఉండ‌టంతో సినిమాపై భారీ అంచ‌నాలు ఏర్ప‌డ్డాయి.

రంగ‌రంగ వైభ‌వంగా: సెప్టెంబ‌ర్ 2

వైష్ణ‌వ్ తేజ్‌, కేతిక శ‌ర్మ జంట‌గా న‌టించిన ఫ్యామిలీ ఎంట‌ర్‌టైన‌ర్ బాక్సాఫీస్ వ‌ద్ద అదృష్టాన్ని ప‌రీక్షించుకోనుంది. గిరీశాయ ఈ చిత్రానికి ద‌ర్శ‌క‌త్వం వ‌హించాడు. దేవీశ్రీ ప్ర‌సాద్ మ్యూజిక్ అందించాడు. ఎస్‌వీసీసీ బ్యాన‌ర్‌పై ఈ సినిమా తెర‌కెక్కింది.

ఫ‌స్ట్ డే ఫ‌స్ట్ షో: సెప్టెంబ‌ర్ 2

ప‌వ‌ర్‌స్టార్ ప‌వ‌న్‌క‌ళ్యాణ్ ఖుషీ మూవీ ఫ‌స్ట్ డే ఫ‌స్ట్ షో నేప‌థ్యంతో ఈ సినిమా తెర‌కెక్కింది. జాతిర‌త్నాలు డైరెక్ట‌ర్ కేవీ అనుదీప్ ఈ క‌థ‌ను అందించాడు. బాక్సాఫీస్ వ‌ద్ద ఈ కామెడీ చిత్రం వ‌సూళ్లు కురిపించ‌వచ్చ‌ని అంచ‌నా వేస్తున్నారు.

బ‌ల‌మెవ్వ‌డు: సెప్టెంబ‌ర్ 2

దృవ‌న్ ప్ర‌ధాన పాత్ర‌లో న‌టిస్తున్న చిత్రం బ‌ల‌మెవ్వ‌డు. ఈ సినిమా ట్రైల‌ర్‌కు ప్రేక్ష‌కుల నుంచి మంచి స్పంద‌న ల‌భిస్తోంది. మ‌ణిశ‌ర్మ ఈ చిత్రానికి మ్యూజిక్ అందించాడు. స‌త్య రాచ‌కొండ ద‌ర్శ‌క‌త్వం వ‌హించాడు.

నా వెంట ప‌డుతున్న చిన్నాడెవ‌డ‌మ్మా: సెప్టెంబ‌ర్ 2

తేజ్ కుర్ర‌పాటి, అఖిల ఆక‌ర్ష‌ణ జంట‌గా న‌టిస్తున్న చిత్రం నా వెంట ప‌డుతున్న చిన్నాడెవ‌డ‌మ్మా. వెంక‌ట్ వందేల ద‌ర్శ‌క‌త్వం వ‌హిస్తున్నాడు. ముల్లేటి క‌మ‌లాక్షి నిర్మాత‌.

రామ్ మోహ‌న్ కంచుకొమ్మ‌ల: సెప్టెంబ‌ర్ 2

ఇది ఒక థ్రిల్ల‌ర్ మూవీ. స్వ‌యంగా రామ్ మోహ‌న్ కంచుకొమ్మ‌ల న‌టిస్తూ ద‌ర్శ‌క‌త్వం వ‌హించాడు. 

ఓటీటీలో రిలీజ్ కాబోయే సినిమాలు