హ్యాపీ బ‌ర్త్‌డే సయేషా సైగ‌ల్

న‌టి సయేషా సైగ‌ల్ నేడు బ‌ర్త్‌డే సెల‌బ్రేట్ చేసుకుంటుంది. సయేషా ఆగ‌స్ట్ 12, 1997న ముంబ‌యిలో జ‌న్మించింది. ఆమె హిందీ న‌టులు సైరా భాను, దిలీప్‌కుమార్‌ల మ‌న‌వ‌రాలు. న‌ట‌న‌తో పాటు ఆమెకు డ్యాన్స్‌లో కూడా ప్రావిణ్యం ఉంది. ఈ బ్యూటీ 2015లో అఖిల్ సినిమాతో తెలుగు తెర‌పై ఎంట్రీ ఇచ్చింది. హిందీలో అజ‌య్ దేవ‌గ‌న్‌తో శివాయ్‌లో న‌టించింది. త‌మిళ హీరో ఆర్య‌తో గ‌జినీకాంత్, క‌ట్ట‌ప్ప‌న్, టెడ్డీ వంటి వ‌రుస సినిమాల్లో న‌టించింది. ఆ స‌మ‌యంలో వీరిద్ద‌రూ ప్రేమ‌లో ప‌డ్డారు. 2019లో త‌న‌కంటే వ‌య‌సులో 16 ఏళ్లు పెద్ద‌వాడైన ఆర్య‌ను స‌యేషా పెళ్లి చేసుకుంది. 2021లో ఆమెకు అరియానా అనే పాప‌కు జ‌న్మ‌నిచ్చింది.