న్యూజిలాండ్‌తో జరిగిన టీ20 సిరీస్‌ను భారత్ కైవసం చేసుకుంది. అహ్మదాబాద్‌ వేదికగా జరిగిన నిర్ణయాత్మకమైన మూడో మ్యాచ్‌లో 168 పరుగుల భారీ తేడాతో గెలుపొందింది. 235 పరుగుల లక్ష్యంతో బరిలోకి దిగిన కివీస్‌ను టీమిండియా బౌలర్లు చిత్తు చేశారు. మెుదటి ఓవర్‌ నుంచే విరుచుకుపడటంతో శాంటనర్‌ సేన ఏ మాత్రం నిలబడ లేకపోయింది. బ్లాక్‌ క్యాప్స్‌లో కేవలం డారీ మిచేల్‌ మాత్రమే చెప్పుకోదగిన స్కోరు సాధించాడు. హార్దిక్ పాండ్యా 4 వికెట్లు తీసి ఆల్‌రౌండ్ ప్రదర్శన చేశాడు.

న్యూజిలాండ్‌తో జరుగుతున్న నిర్ణయాత్మక మూడో టీ20లో భారత్‌ భారీ స్కోరు సాధించింది. ఆరంభంలోనే ఓపెనర్‌ ఇషాన్ కిషన్ వికెట్ కోల్పోయినా… గిల్ సూపర్ సెంచరీతో 234 పరుగులు సాధించింది. రాహుల్ త్రిపాఠితో కలిసి గిల్‌ మెరుపు ఇన్నింగ్స్ ఆడాడు. అనంతరం వచ్చిన సూర్య కుమార్ యాదవ్‌, హార్దిక్ పాండ్యా కూడా ధాటిగా ఆడటంతో స్కోరు 200లు దాటింది. భారత బ్యాట్స్‌మెన్ విజృంభణకు కివీస్‌ బౌర్లు చేతులెత్తాశారు. ఇక బౌలర్లు సత్తా చాటుతారో లేదో చూడాలి.

న్యూజిలాండ్‌తో జరుగుతున్న నిర్ణయాత్మక మూడో టీ20లో భారత్ టాస్ గెలిచి బ్యాటింగ్ ఎంచుకుంది. అహ్మదాబాద్‌ వేదికగా జరుగుతున్న మ్యాచ్‌లో పృథ్వీ షాకు అవకాశం దక్కుంతుందని భావించినా నిరాశే ఎదురయ్యింది. జట్టు: శుభమన్ గిల్, ఇషాన్ కిషన్, రాహుల్ త్రిపాఠి, సూర్యకుమార్ యాదవ్, హార్దిక్ పాండ్యా, దీపక్ హుడా, వాషింగ్టన్ సుందర్, శివం మావి, కుల్దీప్ యాదవ్, ఉమ్రాన్ మాలిక్

జనవరి 29న ఇండియా, న్యూజిలాండ్‌ మధ్య లక్నోలో జరిగిన రెండో టీ20 మ్యాచ్‌ పిచ్‌ క్యూరేటర్‌పై వేటుపడింది. బ్యాటర్లకు ఏమాత్రం అనుకూలించకుండా తయారుచేసిన వ్యక్తిని పదవి నుంచి తొలగించాలని యూపీ క్రికెట్‌ అసోసియేషన్ నిర్ణయించింది. బ్యాటర్లకు చుక్కలు చూపించిన ఈ పిచ్‌లో న్యూజిలాండ్‌ 99 పరుగులు చేయగా ఇండియా అది చేధించేందుకు నానా తంటాలు పడింది. మాజీ క్రికెటర్‌ గంభీర్‌, టీమిండియా కెప్టెన్‌ హార్దిక్‌ పాండ్యా పిచ్‌పై మ్యాచ్‌ అయిపోగానే అసంతృప్తి వ్యక్తం చేశారు.