5 వికెట్ల ప్రదర్శనపై షమీ స్పందన ఇదే!

న్యూజిలాండ్‌తో జరిగిన మ్యాచ్‌లో టీమిండియా పేసర్‌ షమీ 5 వికెట్లతో నిప్పులు చెరిగాడు. మ్యాచ్‌ అనంతరం తన బౌలింగ్‌ ప్రదర్శనపై షమీ ఆసక్తికర వ్యాఖ్యలు చేశాడు. ‘తొలి బంతికే వికెట్ తీసిన తర్వాత నాకు నమ్మకం పెరిగింది. జట్టులోని సహచరులు అద్భుతంగా ఆడుతున్నప్పుడు తప్పకుండా మనం మద్దతు ఇవ్వాలి. జట్టుగా సమష్ఠిగా రాణిస్తే విజయం సాధించడం కష్టమేం కాదు. ఆ సమయంలో వికెట్లు తీయాల్సిన అవసరం ఉంది. ఐదు వికెట్లు తీయడంతోపాటు భారత్ విజయం సాధించడం ఆనందంగా ఉంది’ అని షమీ తెలిపాడు.