కుక్కను కొట్టిన వ్యక్తులపై కేసు నమోదు

తమపై మొరిగిందన్న కారణంతో పెంపుడు కుక్కను యజమానులే చావబాదారు. ఈ ఘటన సోమవారం రాత్రి బెంగళూరులోని మంజునాథ లేఔట్‌లో జరిగింది. కర్ర తీసుకుని ఆ కుక్కను చితకబాదారు. దీంతో ఆ శునకం తీవ్ర గాయాల పాలైంది. ఏమాత్రం జాలి లేకుండా ఎంతో కర్కశంగా వారు శునకాన్ని హింసించారు. దీనికి సంబంధించిన వీడియో బయటకి రావడంతో పోలీసులు కేసు నమోదు చేశారు. త్వరలో ఆ కుక్క యజమానిని అరెస్ట్ చేయనున్నట్లు కేఆర్ పురం పోలీసులు తెలిపారు.