పతంగితో గాలిలోకి ఎగిరిపోయిన చిన్నారి

గుజరాత్‌లో భారీ గాలిపటంతో పాటు చిన్నారి గాల్లోకి ఎగిరింది. అహ్మదాబాద్‌లో కైట్ ఫెస్టివల్‌లో భాగంగా ఈ ఘటన జరిగింది. ఫెస్టివల్ కోసం ప్రత్యేకంగా రూపొందించిన భారీ గాలిపటాన్ని ఎగరేసేందుకు నిర్వహకులు ఏర్పాట్లు చేశారు. అన్నీ చూసుకున్నాక ఆ గాలిపటాన్ని ఎగరవేయగా.. కైట్ చివరన ఉన్న గుడ్డ.. ఆ చిన్నారికి చుట్టుకుంది. దీంతో భీకర గాలుల మధ్య ఆ చిన్నారి కొద్దిసేపు గాలిలోనే అటూ ఇటూ సతమతమైంది. దీంతో కింద ఉన్న వారు ఒక్కసారిగా గందరగోళానికి గురయ్యారు. చివరికి ఆ చిన్నారిని పట్టుకోవడంతో ఊపిరి పీల్చుకున్నారు. ఈ వీడియో వైరల్ అవుతోంది.