ట్రాఫిక్ పోలీసును చెప్పుతో కొట్టిన మహిళ

రాంగ్ రూట్‌లో వస్తున్న వాహనాన్ని అడ్డుకున్నందుకు ట్రాఫిక్ కానిస్టేబుల్‌ను ఓ మహిళ చెప్పుతో కొట్టింది. కానిస్టేబుల్ సంయమనం పాటించినప్పటికీ విరుచుకుపడింది. ఈ ఘటన ఉత్తర్‌ప్రదేశ్‌లోని ఘజియాబాద్‌లో జరిగింది. మిథిలేష్ అనే మహిళా నెంబర్ ప్లేట్ లేకుండా రాంగ్ రూట్‌లో రోడ్డు మీదకు వచ్చింది. ఇది గమనించిన ట్రాఫిక్ పోలీస్ ఆమెను ప్రశ్నించారు. దీంతో ఆగ్రహానికి గురైన మహిళ ట్రాఫిక్ పోలీసుతో వాగ్వాదానికి దిగి చెప్పుతో కొట్టింది. కేసు నమోదు చేసిన పోలీసులు ఆ మహిళను అరెస్ట్ చేశారు.