మీకు నచ్చిన మూవీని ఐదు పదాల్లో వివరించమని అడిగిన అమెజాన్ ప్రైమ్..వైరల్ అవుతున్న ఫన్నీ రిప్లైస్

కరోనా మహమ్మారితో ప్రజలంతా ఇళ్లకే పరిమితమయ్యారు. వినోదాన్ని పంచే థియేటర్లు కూడ మూతపడటంతో ఓటీటీలకు బాగా ఆదరణ పెరిగింది. రియాల్టీ షోలు, సీరియళ్లు, సినిమాలు, ఆటలు, పాటలు, వెబ్ సిరీస్‌లు ఇలా అన్నిటినీ అందించే ఓటీటీలకు వినోద ప్రియులు బాగా కనెక్ట్ అయ్యారు. ఎప్పుడు ఏ సినిమా స్ట్రీమింగ్ అయిన వెంటనే వీక్షించి ఎంజాయ్ చేస్తున్నారు. అందుకే ఇలాంటి వారిని మరింతగా తనవైపు తిప్పుకోవడానికి ప్రముఖ ఓటీటీ ప్లాట్‌ఫాం అయిన అమెజాన్ ప్రైమ్ ఓ కొత్త పంథాను ఎంచుకుంది. ఇంతకి ఆ ఐడియా ఏంటో చూడండి.

అమెజాన్ ఐడియా ఇదీ..!

వినియోగదారుల అభిరుచులకు అనుగుణంగా ఎప్పుడూ ఓ సరికొత్త మార్కెటింగ్ స్ట్రాటజీతో ఆమెజాన్ ప్రైమ్ ముందుకొస్తుంటుంది. ఇప్పుడు కూడ అలాంటి ప్లాన్‌తోనే భారతీయులకు సినిమాలపై ఉన్న ప్రేమను చాటుకునేలా ఓ ఆసక్తికర ట్వీట్ చేసింది. బాలీవుడ్, టాలీవుడ్, హాలీవుడ్, కోలీవుడ్ ఇలా ఏ పరిశ్రమలోనైన మీకు బాగా నచ్చిన సినిమా గురించి ఐదు పదాల్లో ఆసక్తికరంగా వివరించాలని ట్విట్టర్‌లో ఓ పోస్టు చేసింది.

ఎంఎస్ ధోని: ది అన్ టోల్డ్ స్టోరీ

ఎంఎస్ ధోని జీవిత చరిత్ర ఆధారంగా సుశాంత్‌సింగ్ రాజ్‌పుత్ హీరోగా తెరకెక్కిన ఈ సినిమా గురించి గౌతమ్ చక్రవర్తి అనే వ్యక్తి ఐదు పదాల్లో ఆసక్తికరంగా వివరించాడు.

‘టికెట్ కలెక్టర్ టూ వరల్డ్‌కప్ విన్నర్’ అంటూ అమెజాన్‌కి రిప్లై ఇచ్చాడు.

రంగస్థలం

రామ్ చరణ్ బ్లాక్ బస్టర్ మూవీ రంగస్థలంపై ఓ ఫన్నీ రిఫ్లై వచ్చింది. ‘చిట్టి బాబు విల్ మేనేజ్ ఎవ్రీథింగ్’ అంటూ ఫన్నీ ట్వీట్ చేశారు.

టైటానిక్ 

హాలీవుడ్ మూవీ అంటే అందరికీ గుర్తొచ్చే మూవీ టైటానిక్. అలాంటి మూవీని కేవలం ఈ ఐదు పదాలతో ఈజీగా ఎలా చెప్పాలో ఈ రిప్లై చూస్తే మీకే తెలుస్తుంది.