బిర్యానీకి డబ్బులివ్వలేదని దారుణ హత్య

దిల్లీలో దారుణం చోటుచేసుకుంది. బిర్యానీ కొనుక్కోవడానికి డబ్బులివ్వలేదన్న 16 ఏళ్ల మైనర్ బాలుడు మద్యం మత్తులో మరో మైనర్ బాలుడిని విచక్షణారహితంగా పొడిచాడు. శరీరంపై 55 సార్లు కత్తితో పొడిచి పాశవికంగా గొంతు కోశాడు. అనంతరం కొనఊపిరితో ఉన్న అతణ్ని వీధిలో ఈడ్చుకుంటూ వెళ్తూ, నృత్యం చేస్తూ పైశాచికంగా ప్రవర్తించాడు. అతడి జుత్తు పట్టుకుని పైకి లేపి, జేబులోంచి రూ.350 తీసుకొని అక్కడి నుంచి వెళ్లిపోయాడు. సీసీ టీవీ దృశ్యాల ఆధారంగా పోలీసులు బాలుడిని అదుపులోకి తీసుకున్నారు.