ఐమాక్స్ థియేటర్‌లో అర్ధరాత్రి రచ్చ

హైదరాబాద్ – ఐమాక్స్‌ థియేటర్‌లో అర్ధరాత్రి ప్రేక్షకులు రచ్చ చేశారు. టైగర్ ష్రాప్ నటించిన గణపత్ సినిమా నిన్న రాత్రి 11.15 గంటలకు చివరి షోగా ప్రారంభమైంది. షో స్టార్ట్ అయిన కొద్దిసేపటికే.. హాలులో భరించలేని దుర్గందం వ్యాపించింది. దుర్వాసన ఎంతకీ తగ్గకపోవడంతో బయటకు వచ్చిన ప్రేక్షకులు మేనేజ్‌మెంట్‌పై ఆగ్రహం వ్యక్తం చేశారు. స్ప్రేలు కొట్టిన దుర్వాసన తగ్గకపోవడంతో హాలులో రచ్చ రచ్చ చేశారు. తమ డబ్బులు తిరిగి ఇవ్వాలని డిమాండ్ చేశారు. డబ్బులు తిరిగి ఇస్తామని చెప్పడంతో ప్రేక్షకులు శాంతించారు.