సితార మంచి మనసుకు ఫిదా!

హీరో మహేష్‌బాబు కూతురు సితార మంచి మనసుకు నెటిజన్లు ఫిదా అవుతున్నారు. తాజాగా సితార హైదరాబాద్‌ ఓ షాపింగ్‌ మాల్‌ ఓపెనింగ్‌కి తల్లి నమ్రతతో కలిసి వెళ్లింది. ఈ సందర్భంగా అక్కడ పలువురు పేద వృద్ధులకు, మహిళలకు బహుమతులు అందజేశారు. ఈ క్రమంలో ఓ వృద్ధురాలు మాత్రం స్టేజ్‌ పైకి ఎక్కడానికి ఇబ్బంది పడింది. ఇది సితార గమనించి వెంటనే స్టేజ్‌ పై నుంచి దిగొచ్చి ఆమె చేయి పట్టుకొని వేదికపైకి తీసుకెళ్లింది. ఈ వీడియో ఇప్పుడు నెట్టింట వైరల్‌ అవుతోంది. దీనిపై నెటినజన్లు ప్రశంసిస్తూ కామెంట్లు పెడుతున్నారు