మూవీలకు రణ్‌బీర్‌ బ్రేక్.. కారణమిదే!

బాలీవుడ్‌ స్టార్ హీరో రణ్‌బీర్‌ కపూర్‌ సినిమాలకు విరామం ప్రకటించారు. యానిమల్‌ తర్వాత ఏ సినిమాను అంగీకరించలేదని తెలిపారు. ‘కొన్ని నెలల పాటు మా కూతురు రాహాతో సమయాన్ని గడపాలనుకుంటున్నా. నా బిజీ షెడ్యూల్‌ కారణంగా తను పుట్టాక ఎక్కువ సమయం తనతో గడపలేకపోయాను. అందుకే ఇప్పుడు ఓ ఆరు నెలలు రాహాతో ఉండాలనుకుంటున్నా. రాహాకు సంబంధించిన అందమైన క్షణాలను ఆస్వాదించాలనుకుంటున్నా’ అని రణ్‌బీర్‌ స్పష్టం చేశారు.