SL vs NED: శ్రీలంకకు తొలి విజయం

వన్డే వరల్డ్‌ కప్‌లో శ్రీలంక తొలి విజయం అందుకుంది. నేడు నెదర్లాండ్స్‌తో జరిగిన మ్యాచ్ శ్రీలంక ఐదు వికెట్ల తేడాతో విజయం సాధించింది. నెదర్లాండ్స్ నిర్దేశించిన 263 పరుగుల లక్ష్యాన్ని శ్రీలంక 48.2 ఓవర్లలో ఛేదించి విజయాన్ని అందుకుంది. శ్రీలంక బ్యాటర్లు సదీర సమరవిక్రమ (91), పతుమ్‌ నిస్సంక (54), చరిత్‌ అసలంక (44) ధనంజయ డిసిల్వ (30)లు రాణించి జట్టుకు తొలి విజయాన్ని అందించారు.