అగ్రస్థానానికి చేరువలో గిల్
భారత ఓపెనర్ శుభ్‌మన్‌ గిల్ ప్రపంచ నంబర్‌వన్‌ ర్యాంకింగ్‌కు చేరువయ్యాడు. ఐసీసీ తాజాగా ప్రకటించిన వన్డే బ్యాటింగ్ ర్యాంకింగ్స్‌లో 823 పాయింట్లతో గిల్ రెండో స్థానంలో నిలిచాడు. ప్రస్తుతం అగ్రస్థానంలో ఉన్న బాబర్‌ అజాం (829), గిల్ మధ్య తేడా ఆరు పాయింట్లు మాత్రమే. ప్రపంచకప్‌లో గిల్ నిలకడగా రాణిస్తే త్వరలోనే నంబన్‌వన్‌ ర్యాంకు సాధించడం ఖాయంగా కనిపిస్తోంది. డెంగీ కారణంగా వరల్డ్‌కప్‌లో తొలి రెండు మ్యాచ్‌లకు దూరమైన గిల్.. తర్వాతి మూడింట్లో 95 పరుగులు రాబట్టడం గమనార్హం.
