విజయ్‌ దేవరకొండ మంచి మనసు

రౌడీ బాయ్‌ విజయ్‌ దేవరకొండ మరోమారు తన మంచి మనసు చాటుకున్నాడు. రోడ్డు ప్రమాదంలో గాయపడ్డ శ్రీకాకుళం జిల్లాకు చెందిన చిన్నారికి రూ. లక్ష సాయం అందించాడు. కోటబొమ్మాళి ప్రాంతానికి చెందిన ఓ చిన్నారి ఇటీవల జరిగిన రోడ్డు ప్రమాదంలో కాలు పోగొట్టుకుంది. ఈ విషయం విజయ్‌ దృష్టికి రాగా ఆర్థిక సాయం చేసేందుకు అతడు ముందుకు వచ్చాడు. విజయ్‌ చేసిన పనికి నెట్టింట ప్రశంసలు కురుస్తున్నాయి. ముఖ్యంగా విజయ్‌ ఫాన్స్‌ తమ హీరోని చూస్తుంటే గర్వంగా ఉందంటూ పోస్టులు పెడుతున్నారు.