గిల్‌పై యువరాజ్ ప్రశంసలు

శుభ్‌మన్ గిల్‌పై మాజీ క్రికెటర్ యువరాజ్ సింగ్ ప్రశంసలు కురిపించాడు. ఈ తరం అత్యుత్తమ ఆడగాడు గిల్ అని కొనియాడాడు. ‘అతడి సత్తాను బ్యాటింగ్ గణాంకాలే చెబుతాయి. గిల్ ఆటతీరు ,చూస్తుంటే ముచ్చటేస్తుంది. గత నాలుగైదు ఏళ్లుగా అతడి ఆలోచనా దృక్పథం అత్యున్నత స్థాయిలో ఉంది. గిల్ కేవలం భారత్‌లోనే కాకుండా ఆస్ట్రేలియా, ఇంగ్లాండ్ వంటి మైదానాల్లో భారీగా పరుగులు చేయగలడు’ అని యువీ తెలిపాడు.