జలపాతంలోకి జారిపోయిన కారు

మధ్యప్రదేశ్‌ ఇండోర్‌లో ఘోర ప్రమాదం తప్పింది. లోహియా కుంద్‌ జలపాతాన్ని చూసేందుకు వెళ్లిన ఓ కుటుంబం ఊహించని ప్రమాదాన్ని ఎదుర్కొంది. వారు తమ కారును జలపాతానికి సమీపంలో నిలిపి ఉంచగా వాహనం దానంతట అదే జలపాతం వైపు జారిపోయింది. ఆ సమయంలో కారులో తండ్రీ కూతురు ఉన్నారు. గమనించిన స్థానికులు వారిని కాపాడి ఆస్పత్రికి తరలించారు. ప్రస్తుతం వారి ఆరోగ్యం నిలకడగానే ఉన్నట్లు వైద్యులు తెలిపారు. ప్రమాదానికి సంబంధించిన దృశ్యాలు వైరల్‌గా మారాయి.