ప్రాణం తీసిన మద్యం ఛాలెంజ్

సరదా ఛాలెంజ్ ఒక వ్యక్తి ప్రాణాలనే బలి తీసుకుంది. ఈ ఘటన చైనాలో జరిగింది. ఓ కంపెనీ మేనేజర్ తమ ఉద్యోగులకు ఒక ఛాలెంజ్ విసిరాడు. 10 నిమిషాల్లో లీటర్ మద్యం సేవిస్తారో వారికి రూ.2.31 లక్షలు ఆఫర్‌ చేశాడు. దీంతో ఓ ఉద్యోగి ముందుకు వచ్చి ఆ ఛాలెంజ్‌ను స్వీకరించాడు. సదరు వ్యక్తి 10 నిమిషాల్లోనే లీటర్ మద్యాన్ని పూర్తిగా తాగేసాడు. ఈ క్రమంలో అతడు స్పృహ తప్పి కింద పడిపోయాడు. వెంటనే అతడిని దగ్గర్లో ఉన్న ఆస్పత్రికి తరలించారు. అప్పటికే ఆ ఉద్యోగి ప్రాణాలు కోల్పోయినట్లు వైద్యులు ధృవీకరించారు.