బీచ్‌లో పల్టీలు కొట్టిన విమానం

అమెరికాలోని లాస్ ఏంజెలెస్‌లో తేలికపాటి విమానం ప్రమాదానికి గురైంది. లాస్ ఏంజెలెస్ బీచ్‌ వైపు వస్తున్న ఈ విహంగం అదుపు తప్పింది. దీంతో తీరం వైపునకి కదులుతూ నేలకూలింది. బీచ్‌లో పడగానే పల్టీలు కొట్టింది. ఈ ప్రమాదంలో విమానంలోని ఇద్దరికి గాయాలయ్యాయి. ప్రస్తుతం వారికి చికిత్స అందిస్తున్నారు. అయితే, టేకాఫ్ తీసుకున్న 9 నిమిషాలకే ప్లేన్ ఇలా క్రాష్ కావడంపై అనుమానాలు వ్యక్తమవుతున్నాయి. ఈ వీడియోను ఓ నెటిజన్ షేర్ చేయగా.. సోషల్ మీడియాల్లో చక్కర్లు కొడుతోంది. ప్రమాదంపై ఫెడరల్ ఏవియేషన్ అడ్మినిస్ట్రేషన్ దర్యాప్తు చేపట్టింది.