కేబుల్ బ్రిడ్జిపై ఆటో బోల్తా: వీడియో వైరల్

హైదరాబాద్‌లోని దుర్గం చెరువు కేబుల్ బ్రిడ్జిపై ఓ ఆటో అదుపుతప్పి బోల్తాకొట్టింది. ఇందుకు సంబంధించిన వీడియో వైరల్‌గా మారింది. జూబ్లీహిల్స్ నుంచి ఐటీసీ కోహినూర్ వైపు ప్రయాణికులతో ఓ ఆటో వేగంగా వస్తోంది. ఇంతలో తీగల వంతెనపైకి రాగానే అకస్మాత్తుగా బోల్తాపడింది. ఈ ఘటనలో డ్రైవర్‌తో పాటు మరో ఇద్దరికి గాయాలయ్యాయి. ఆటోడ్రైవర్ అతివేగం వల్లే ఈ ప్రమాదం జరిగినట్లు పోలీసులు గుర్తించారు.