బాబోయ్.. ఇదేం కొండచిలువ..!

పాములంటే చాలామందికి భయం. మరికొందరు వీటిని ఇష్టంగా పెంచుకుంటుంటారు. సాధారణంగా ఇలా పెంచుకున్నవి ఎలాంటి హానీ చేయవు. కానీ, ఓ మహిళపై కొండచిలువ దాడి చేసింది. బోనులో నుంచి బయటకు తీద్దామని ప్రయత్నించిన సంరక్షకురాలి చేతిని నోట కరిచి చుట్టేసింది. దీంతో ఆ మహిళ చేతికి తీవ్ర గాయం కాగా, రక్తం కూడా కారింది. కొండచిలువను విడిపించడానికి ఎంత ప్రయత్నించినా వీలు కాలేదు. ప్రస్తుతం ఈ వీడియో నెట్టింట వైరల్ అవుతోంది. ‘ఎంత భయంకరంగా ఉందో..’ అంటూ నెటిజన్లు కామెంట్ చేస్తున్నారు.