బుమ్రా అత్యుత్తమ బౌలర్‌: వసీం

ప్రస్తుత క్రికెట్‌ ప్రపంచంలో భారత పేసర్‌ జస్‌ప్రీత్‌ బుమ్రానే అత్యుత్తమ బౌలర్‌ అని పాక్‌ మాజీ క్రికెటర్‌ వసీమ్‌ అక్రమ్‌ అన్నారు. ‘ఇంగ్లాండ్‌ బ్యాటర్లను బుమ్రా భలే బోల్తా కొట్టించాడు. అతడి లెంగ్తే బ్యాటర్లపై ఒత్తిడి పెంచింది. బుమ్రా బౌలింగ్‌ వేగం, లెంగ్త్‌ అద్భుతం. నియంత్రణతో కూడిన వేగం, వైవిధ్యం వల్లే బుమ్రా స్థిరంగా రాణించగలుగుతున్నాడు. ఔట్‌ స్వింగర్లను నా మాదిరే వేస్తున్నాడు. అంతేకాదు కొన్నిసార్లు నన్ను మించిన నియంత్రణతో బౌలింగ్‌ చేస్తున్నాడు’ అని అక్రమ్‌ పొగడ్తలతో ముంచెత్తాడు.