‘వీరసింహారెడ్డి’ ప్రీరిలీజ్ వేడుకకు అనుమతి నిరాకరణ

నటసింహం బాలకృష్ణ నటించిన ‘వీరసింహారెడ్డి’ సినిమా ఈ నెల 12న విడుదల కానుంది. ఈ నెల 6న ఒంగోలులో ప్రీ రిలీజ్ ఈవెంట్‌ని నిర్వహించడానికి చిత్రబృందం ఏర్పాట్లు చేస్తుండగా.. పోలీసులు అనుమతి నిరాకరించారు. ఏబీఎం కళాశాల మైదానం ఈ వేడుకకు వేదిక కావడంతో అభిమానుల తాకిడి ఎక్కువగా ఉండే అవకాశముందని భావించి పోలీసులు అనుమతి ఇవ్వలేదు. దీంతో ఈవెంట్‌ని ఎక్కడ నిర్వహించాలనే విషయంపై చిత్ర నిర్మాతలు సందిగ్ధంలో పడ్డట్లు తెలుస్తోంది. ఇటీవల టీడీపీ సభల్లో పలువురు మరణించిన సంగతి తెలిసిందే.