గుర్రం చేత గంజాయి తాగించాడు

ఉత్తరాఖండ్‌లోని డెహ్రాడూన్‌లో ఇద్దరు వ్యక్తులు గుర్రానికి బలవంతంగా సిగరేట్‌ తాగించారు. ఆ సిగరెట్‌ గంజాయితో కూడి ఉన్నట్లు తెలుస్తోంది. కేదార్‌నాథ్‌ యాత్రకు వెళ్లే భక్తుల సామాగ్రిని మోసేందుకు ఈ గుర్రాన్ని వినియోగిస్తున్నారు. ఈ క్రమంలో దాని యజమాని గుర్రాన్ని పట్టుకొని బలవంతంగా పొగ తాగించేందుకు ప్రయత్నించాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. విషయం తెలుసుకున్న పోలీసులు యజమానిని అదుపులోకి తీసుకున్నారు.