ప్రేమించి పెళ్లి చేసుకున్న భార్యను హత్య చేశాడు

ప్రేమించి వివాహం చేసుకున్న భార్యను, భర్త కడతేర్చాడు. ఈ ఘటన హైదరాబాద్ నేరేడ్‌మెట్‌లో చోటుచేసుకుంది. వరంగల్‌ జిల్లాకు చెందిన స్రవంతి(22), సిద్ధిపేట జిల్లాకు చెందిన మహేందర్ అనే వ్యక్తిని 2019లో ప్రేమించి పెళ్లి చేసుకుంది. కొంతకాలం తర్వాత ఇద్దరి మధ్య గొడవలు తలెత్తాయి. దీంతో స్రవంతి చాలా రోజులుగా తల్లి ఇంటి వద్దే ఉంటుంది. ఓ రోజు మహేందర్‌ భార్యకు ఫోన్‌ చేసి తాము ఉంటున్న అద్దె ఇళ్లు ఖాళీ చేస్తున్నానని చెప్పాడు. దీంతో ఆమె అద్దె ఇంటికి వెళ్లింది. ఈ క్రమంలో మహేందర్‌ స్రవంతిపై దాడి చేయడంతో ఆమె మృతి చెందింది.