సమంతకు అనారోగ్యం..అదే కారణం

హీరోయిన్ సమంత అనారోగ్యానికి గురైంది. వారం రోజులుగా శాకుంతలం ప్రమోషన్లలో విరామం లేకుండా పాల్గొనడంతో తాను జ్వరంతో బాధపడుతున్నట్లు సామ్ ట్వీట్ చేసింది. ప్రమోషన్లలో మాట్లాడి మాట్లాడి తన గొంతు బొంగురు పోయినట్లు వెల్లడించింది. మాట్లాడేందుకు గొంతు సహకరించడం లేదని పేర్కొంది. ఈ వారం అంతా అభిమానుల మధ్య ఉండి సినిమాను ప్రమోట్ చేస్తూ ఫ్యాన్స్ ప్రేమలో మునిగితేలినందుకు సంతోషంగా ఉన్నట్లు తెలిపింది. ఈ సాయంత్రం జరగనున్న శాకుంతలం ఈవెంట్‌లో అభిమానులు పాల్గొనాలని సమంత విజ్ఞప్తి చేసింది.