మహిళా అధికారణిపై ఇసుక మాఫియా దాడి

బిహార్‌: పట్నా జిల్లాలోని బిహ్త్ పట్టణంలో ఇసుక మాఫియా రెచ్చిపోయింది. ఇసుక అక్రమ తవ్వకాలను అడ్డుకున్నందుకు ఓ మహిళా ఆఫీసర్‌పై దాడికి తెగబడింది. ఇందుకు సంబంధించిన [వీడియో ](url)వైరల్‌గా మారింది. ప్రాణ భయంతో పారిపోతున్న అధికారిణిని కొందరు వెంబడించారు. రాళ్లు, మట్టిపెళ్లలతో దాడిచేశారు. ఆమెను కిందపడేసి నేలపై ఈడ్చుకెళ్లారు. దీనిపై కేసు నమోదు చేసిన పోలీసులు 44 మందిని అరెస్టు చేశారు. ఈ ఘటనతో సంబంధం ఉన్న మిగితా వారి కోసం కూడా పోలీసులు గాలిస్తున్నారు.