పాక్ క్రికెటర్‌కు తీవ్ర గాయం: ప్రమాదంలో కెరీర్!

పాకిస్తాన్ క్రికెటర్ మహ్మద్ నవాజ్ తీవ్రంగా గాయపడటంతో అతని కెరీర్ భవితవ్యంలో పడింది. న్యూజిలాండ్‌తో జరిగిన మూడో వన్డేలో నవాజ్ 21వ ఓవర్ బౌలింగ్ వేశాడు. ఈ క్రమంలో తొలి బంతిని కివీస్ బ్యాటర్ డారెల్ మిచెల్ స్ట్రెయిట్‌గా కొట్టాడు. బంతిని ఆపే క్రమంలో నవాజ్ తీవ్రంగా గాయపడ్డాడు. బంతి వేగంగా రావడంతో అతడి చూపుడు వేలు విరిగిపోయింది. దీంతో నొప్పితో విలవిల్లాడాడు. ఫిజియో వచ్చి బోన్ బ్రేక్ అయినట్లు గుర్తించాడు. వేలు విరగడంతో అతడి కెరీర్ ప్రమాదంలో పడినట్లే కనిపిస్తోంది.