AP: రాష్ట్ర రాజకీయాల్లో ముఖ్య పరిణామం చోటు చేసుకునే సంకేతాలు కనిపిస్తున్నాయి. జనసేన, టీడీపీ పొత్తుపై కీలక ప్రకటన వెలువడే అవకాశం ఉంది. చంద్రబాబును పవన్ కళ్యాణ్ కలిసిన అనంతరం జనసనే రాజకీయ వ్యవహారాల కమిటీ తొలిసారిగా భేటీ అయింది. దీంతో పార్టీల పొత్తుపై ఊహాగానాలు వెల్లువెత్తుతున్నాయి. నాదెండ్ల మనోహర్ ఆధ్వర్యంలో ఈ సమావేశం జరుగుతోంది. ప్రతిపక్షాలతో కలిసి ప్రజా సమస్యలపై పోరాడతామని, ప్రభుత్వ పాలనను ఎండగడతామని జనసేనాని పవన్ కళ్యాణ్ ఇదివరకే చెప్పడం గమనార్హం.
ఏపీలో టీడీపీ-జనసేన పొత్తులపై ఆదివారం స్పష్టత రానుంది. మంగళగిరిలోని జనసేన పార్టీ ప్రధాన కార్యాలయంలో పార్టీ నేతలతో పవన్ కల్యాణ్ పొత్తులపై చర్చించనున్నారు. పొత్తులపై ఏదో ఒకటి తేల్చుకోవాలని జనసేన భావిస్తోంది. ఒంటరిగా ఎన్నికలకు వెళ్లడమాా లేదంటే తెలుగుదేశం పార్టీతో పొత్తు పెట్టుకోవాలా అనే దానిపై తీవ్ర ఆలోచనలు జనసేన చేస్తోంది. కాగా ఎన్నికలకు ఇంక ఏడాదిన్నర మాత్రమే ఉండడంతో గెలవడానికి అన్ని పార్టీలు వ్యూహరచన చేస్తున్నాయి.
ఏపీ పాలన రాజధానిగా విశాఖ కావడం జనసేన, టీడీపీలకు ఇష్టం లేదని మంత్రి బొత్స ఆరోపించారు. ‘జనసేన పార్టీ కాదు. ఓ వ్యక్తి పెట్టుకున్న సంస్థ. ఉత్తరాంధ్ర ప్రజలు బాగుపడటం సహించలేకపోతున్నారా? మూడు రాజధానులు కావాలని ప్రజలు బలంగా కోరుకుంటున్నారు. కావాలంటే ఇంటింటికి వెళ్లి తెలుసుకోండి. టీడీపీ, జనసేన ఎన్ని కుట్రలు చేసినా మూడు రాజధానుల బిల్లు తెచ్చి తీరుతాం’ అని స్పష్టం చేశారు.
ఏపీ సీఐడీ అధికారులు తన నివాసంలోకి అక్రమంగా చొరబడ్డారని టీడీపీ నేత చింతకాయల విజయ్ ఆరోపించారు. తన కుమార్తెను బెదిరించి నోటీసులు అందజేశారని ఆయన తెలిపారు. ఈ మేరకు పోలీసులు ఇచ్చిన నోటీసుల్లో కేసుకు సంబంధించిన వివరాలు లేవని విజయ్ స్పష్టం చేశారు. దీంతో తనపై నమోదైన కేసు వివరాలను అందజేయాలని ఆయన సీఐడీ అధికారులకు లేఖ రాశారు. ఈ లేఖను అందించేందుకు విజయ్ తరఫు న్యాయవాదులు సీఐడీ కార్యాలయానికి వెళ్లి తప్పాల్‌లో వేశారు.
టీడీపీ నేత చింతకాయల విజయ్‌కి ఏపీ సీఐడీ పోలీసులు నోటీసులు జారీ చేశారు. నోటీసులు అందజేసేందుకు HYDలోని బంజారాహిల్స్‌లో ఉన్న విజయ్ నివాసానికి పోలీసులు చేరుకు న్నారు. అయితే, విజయ్ ఇంట్లో లేకపోవడంతో అక్కడున్న వారికి నోటీసులు ఇచ్చారు. విచారణకు ఈనెల 6న హాజరుకావా లంటూ అందులో పేర్కొన్నారు. 41 సీఆర్పీసీ కింద నోటీసులు జారీ చేశారు. కాగా, మార్ఫింగ్ వీడియో వ్యవహారంపై హిందూపురం ఎంపీ గోరంట్ల మాధవ్.. విజయ్‌పై ఏపీ సీఐడీ పోలీసులకు ఫిర్యాదు చేశారు.
AP: సీఎం జగన్ తన తాడేపల్లి ప్యాలెస్, లోటస్ పాండ్‌లకు వైఎస్ పేరు ఎందుకు పెట్టలేదని టీడీపీ రాష్ట్ర మహిళా అధ్యక్షురాలు అనిత ప్రశ్నించారు. దిల్లీ మద్యం కేసు నుంచి దృష్టి మళ్లించడానికే పేరు మార్పు వ్యవహారాన్ని తెరపైకి తెచ్చారని ఆమె ఆరోపించారు. సోదాలు జరుగుతుండటంతో వైకాపా నాయకుల్లో తీవ్ర ఆందోళన మొదలైందని తెలిపారు. రైతుల మహాపాదయాత్రను చూసి వైకాపా నేతలు భయపడుతున్నారన్నారు. విశాఖలో వికేంద్రీకరణ పేరుతో రౌండ్ టేబుల్ సమావేశం ఏర్పాటు చేయడంపై ఆమె నిలదీశారు.
టీడీపీ చేస్తున్న కార్య‌క్ర‌మాల్లో చురుకుగా పాల్గొన‌కుండా త‌ప్పించుకుంటున్న నేత‌ల‌పై చంద్రబాబు మండిప‌డ్డారు. శుక్ర‌వారం జరిగిన స‌ర్వ‌స‌భ్య స‌మావేశంలో ఆయన నేత‌ల‌ను ఈ విష‌యంపై హెచ్చ‌రించారు. ప్ర‌జ‌ల సమస్యలపై ఆందోళ‌న‌కు పిలుపునిచ్చిన‌ప్పుడు అరెస్టుల‌కు భ‌య‌ప‌డి కొంత‌మంది ఇంట్లోనే ఉంటున్నార‌ని అన్నారు. అన్నీ తన దృష్టికి వ‌స్తున్నాయ‌ని అలాంటివారిని పార్టీ ఎక్కువ‌కాలం మోయ‌ద‌ని చెప్పారు. ప్ర‌తిప‌క్షంలో ఉన్న‌ప్పుడే నాయ‌కుడి ప్ర‌తిభ బ‌య‌ట‌ప‌డుతుంద‌ని దాన్ని ఉప‌యోగించుకోక‌పోతే వారికే న‌ష్టం అని చెప్పారు.
వైసీపీ ప్రభుత్వంపై తెలుగు మహిళా అధ్యక్షురాలు వంగలపూడి అనిత తీవ్ర వ్యాఖ్యలు చేశారు. గోరెంట్ల మాధవ్ వీడియోపై మాట్లాడిన ఆమె… రేపు చేశారు అంటే రేపు రా అన్నట్లుగా పోలీసుల తీరు ఉందని విమర్శించారు. డీజీపీకి ఫిర్యాదు చేయడానికి వెళ్తే పబ్లిక్ హాలిడే అని వెనక్కి పంపిస్తారా అని ప్రశ్నించారు. ఈ ఘటన జరిగిన ఐదురోజుల తర్వాత హోంమంత్రి బయటకు వచ్చి గోరెంట్లపై కుట్ర చేశారని అని అంటారా అని విమర్శించారు.
ఏపీ టీడీపీ నేత దివ్యవాణి ఆ పార్టీకి రాజీనామా చేసి, రాజీనామా లేఖను పార్టీ అధినేత చంద్రబాబుకు పంపించారు. ఏడాది కాలంగా పార్టీలో తన ప్రాధాన్యతను తగ్గించేశారని, చంద్రబాబు చుట్టూ ఉన్న కొందరు తనను అవమానిస్తున్నారని కన్నీళ్లు పెట్టుకున్నారు. పార్టీలో ఎంతో మంది నాయకులు చంద్రబాబును మోసగిస్తున్నారని, నాలాంటి వాళ్ళు ప్రశ్నిస్తే పార్టీలో ప్రాముఖ్యత లేకుండా చేశారని ఆవేదన చెందారు. పార్టీ కోసం పని చేస్తున్నా, తనకు గౌవరం లేదని, గౌరవం లేని చోట తాను పని చేయనని అందుకే రాజీనామా చేస్తున్నట్లు ఆమె … Read more
టీడీపీ జాతీయ ప్రధాన కార్యదర్శి నారా లోకేష్ ఏపీ ముఖ్యమంత్రి వైఎస్ జగన్మోహన్ రెడ్డిపై పలు సంచలన ఆరోపణలు చేశారు. వైసీపీ గవర్నమెంట్ చేసిన రెండు అతిపెద్ద కుంభకోణాలకు సంబంధించిన పూర్తి ఆధారాలు తన వద్ద ఉన్నాయని లోకేష్ మీడియా చిట్ చాట్ లో తెలిపారు. లోకేష్ ఏం చెబుతాడని అంతా ఆసక్తిగా ఎదురు చూస్తున్నారు. అదానీ, గ్రీన్ కో సంస్థలతో ఒప్పందాలు చేసుకునేందుకు దావోస్ వెళ్లాలా? అని ప్రశ్నించారు.
@2021 KTree