teacher

పనిచేస్తున్న బడికే కన్నం వేసిన టీచర్

by Srihari V October 28, 2023

HYD: ఉపాధ్యాయ వృత్తిలో ఉన్న ఓ వ్యక్తి తన మిత్రుడితో కలిసి పనిచేస్తున్న పాఠశాలలోనే చోరీ చేశాడు. బోరబండ ప్రాంతానికి చెందిన సంతోష్‌ (34) వివేకానంద నగర్‌లోని ఓ స్కూల్లో టీచర్‌గా పనిచేస్తున్నాడు. ఫీజుల రూపంలో వచ్చే డబ్బును కొట్టేద్దామని సంతోష్ తన స్నేహితుడైన ఇసాక్‌ అహ్మద్‌ (27)కు చెప్పాడు. ఈ నెల 17న ఇద్దరూ కలిసి స్కూల్‌లోని రూ.11.50లక్షల నగదు ఎత్తుకెళ్లారు. కేసు నమోదు చేసిన పోలీసులు అనుమానస్పదంగా ఉన్న సంతోష్‌ను అదుపులోకి తీసుకుని విచారించారు. దీంతో అసలు విషయం బయటకొచ్చింది.

కీచక టీచర్: విద్యార్థినిపై లైంగిక వేధింపులు

by Naresh N October 14, 2023

విద్యాబుద్ధులు నేర్పించాల్సిన గురువే విద్యార్థినిపై లైంగిక వేధింపులకు పాల్పడ్డాడు. ఐదో తరగతి చదువుతున్న చిన్నారులపై పైశాచికంగా ప్రవర్తించాడు. ఈ ఘటన ఉత్తరప్రదేశ్‌లో చోటు చేసుకుంది. ఓ ప్రభుత్వ పాఠశాలలో ఉధ్యాయుడు ఐదో తరగతి బాలికలను లైంగికంగా వేధించాడు. ఆ చిన్నారిపై లైంగిక యత్నం చేశాడు. దీన్ని ఎవరికీ చెప్పకుండా ఉండేందుకు చిన్నారికి కొంత డబ్బును ఇచ్చాడు. ఉపాధ్యాయుడి వేధింపులు తాళలేని చిన్నారి విషయాన్ని తల్లిదండ్రులకు చెప్పడంతో ఈ దుశ్చర్య వెలుగులోకి వచ్చింది.

విద్యార్థినిపై అధ్యాపకుడు అత్యాచారం

by Naresh N October 11, 2023

Ap: విద్యాబుద్దులు నేర్పాల్సిన ఓ ప్రైవేటు అధ్యాపకుడు దారి తప్పాడు. ఓ విద్యార్ధిని బెదిరిస్తూ పులుమార్లు ఆమెపై అత్యాచారానికి ఒడిగట్టాడు. ఈ క్రమంలో గర్భం దాల్చిన ఆమెపై దాడికి కూడా పాల్పడ్డాడు. ఈ ఘటన మార్కాపురంలో చోటుచేసుకుంది. స్థానికంగా ఉండే ఓ కళాశాలలో విద్యార్ధిని ఇంటర్మీడియట్ చదువుతుంది. ఇంటి వద్ద దింపే నెపంతో సదరు విద్యార్థినిని ఓ రోజు అధ్యాపకుడు బైక్‌పై తీసుకెళ్లాడు. పట్టణ శివార్లలోకి తీసుకెళ్లి ఆమె అసభ్యకర చిత్రాలను ఫొటోలు తీసుకున్నాడు. అనంతరం బెదిరించి ఆమెపై పలుమార్లు అత్యాచారానికి పాల్పడ్డాడు.

టీచర్‌పై విద్యార్థులు కాల్పులు

by Naresh N October 6, 2023

ఉత్తరప్రదేశ్‌లో ఇద్దరు స్కూల్ విద్యార్థులు రెచ్చిపోయారు. తమ స్కూల్ టీచర్‌పై గన్‌తో కాల్పులు జరిపారు. అనంతరం అక్కడి నుంచి పారిపోయి ఓ వీడియో సందేశాన్ని పంపించారు. ఈ ఘటన స్థానికంగా చర్చనీయాంశమైంది. కోచింగ్ సెంటర్లో పాఠాలు చెబుతున్న టీచర్‌ను విద్యార్థులు బయటకు రమ్మని పిలిచారు. వెంటనే అక్కడకు వచ్చిన టీచర్‌పై సదరు విద్యార్థులు వరస కాల్పులు జరిపారు. అనంతరం అక్కడి నుంచి పారిపోయారు. కాలికి బుల్లెట్ గాయం కావడంతో టీచర్‌ను ఆసుపత్రికి తరలించారు. విద్యార్థులను పోలీసులు అదుపులోకి తీసుకున్నారు.

వృద్ధ టీచర్‌ను చితకబాదిన పోలీసులు; స్పందించిన ఎన్‌హెచ్ఆర్‌సీ

by Sandireddy V January 25, 2023

బిహార్‌లోని కైమూర్ జిల్లాలో ఓ వృద్ధ ఉపాధ్యాయుడిని చితకబాదిన ఘటనపై ఎన్‌హెచ్ఆర్‌సీ స్పందించింది. బిహార్ ప్రభుత్వానికి నోటీసులు జారీ చేసింది. పోలీసులు తమ పరిధి దాటి ప్రవర్తించారని ఆగ్రహం వ్యక్తం చేసింది. ఈ ఘటనపై నెలలోగా వివరణ ఇవ్వాలని ఆదేశించింది. కాగా కిశోర్ పాండే అనే టీచర్ రోడ్డు దాటుతుండగా ఇద్దరూ మహిళా పోలీసులు అతనిపై లాఠీలతో విచక్షణారహితంగా దాడి చేశారు. ఇందుకు సంబంధించిన [వీడియో](url) సోషల్ మీడియాలో వైరల్‌గా మారింది. Meet 65yrs old School Teacher Nawal Kishore Pandey from … Read more

టీచర్ అవతారమెత్తిన నిత్యామీనన్

by Sandireddy V January 19, 2023

స్టార్ హీరోయిన్ నిత్యామీనన్ టీచర్ అవతారమెత్తింది. ఇందుకు సంబంధించిన [వీడియో](url) సోషల్ మీడియాలో వైరల్‌గా మారింది. ఏపీలోని కృష్ణాపురం గ్రామంలో ఓ మలయాళీ సినిమా షూటింగ్‌లో నిత్యా పాల్గొంది. షూట్ అనంతరం గ్రామంలోని ప్రభుత్వ పాఠశాలను సందర్శించిన నిత్యా.. విద్యార్థులకు పాఠాలు బోధించింది. నిత్యా చాలా చక్కగా తెలుగులో మాట్లాడుతూ పాఠాలు చెప్పింది. ఆ గ్రామంలో ఉన్న చిన్నారులను ఎత్తుకుని లాలించింది. నిత్యా రాకతో ప్రజలు సంతోషంలో మునిగిపోయారు. View this post on Instagram A post shared by Nithya Menen … Read more

యూపీలో టీచర్‌పై విద్యార్థి కాల్పులు

by YouSay App September 24, 2022

తనను తిట్టాడన్న కోపంతో ఓ విద్యార్థి.. ఉపాధ్యాయుడిపై కాల్పులకు తెగబడ్డాడు. ఈ కాల్పుల్లో ఉపాధ్యాయుడు తీవ్రంగా గాయపడగా, లక్నో ఆస్పత్రికి చేర్చి వైద్యసేవలందిస్తున్నారు. ఈ ఘటన యూపీలోని సీతాపూర్‌లో చోటుచేసుకుంది. ఇద్దరు విద్యార్థులు గొడవపడుతుండగా టీచర్ వారిని మందలించాడు. అందులో ఒక విద్యార్థి టీచర్‌పై కోపంతో నాటు తుపాకీ తీసుకొచ్చి 3 రౌండ్లు కాల్పులు జరిపాడు. స్థానికులు విద్యార్థిని పట్టుకుని పోలీసులకు అప్పగించారు. Video: Class 10 Student Shoots Teacher Thrice In UP https://t.co/Nu1mUbLOdz pic.twitter.com/b9njp6aXaX — NDTV (@ndtv) September … Read more