జలపాతంలో దూకేసిన బాలిక

ఓ బాలిక ఇంట్లో తల్లిదండ్రులు మందలించారని జలపాతంలో దూకేసింది. ఈ ఘటన ఛత్తీస్‌గఢ్‌లోని చిత్రకూట్ జలపాతం వద్ద చోటుచేసుకుంది. ఫోన్ ఎక్కువగా వాడుతుందని తల్లిదండ్రులు బాలికను మందలించారు. దీంతో మనస్తాపానికి గురైన ఆ బాలిక దగ్గర్లోని చిత్రకూట్ జలపాతం వద్దకు చేరుకుంది. అక్కడ 90 అడుగుల ఎత్తు నుంచి అమాంతం జలపాతంలో దూకేసింది. అదృష్టవశాత్తూ ఆ బాలిక ప్రాణాలతో బయటపడింది. ఇందుకు సంబంధించిన వీడియో నెట్టింట్లో చక్కర్లు కొడుతోంది.