కారును 3 కి.మీ ఈడ్చుకెళ్లిన ట్రక్కు

మద్యం మత్తులో ఓ ట్రక్కు డ్రైవర్ కారును ఢీకొట్టి.. దానిని 3 కి.మీ దూరం ఈడ్చుకెళ్లాడు. ఈ ఘటన యూపీలోని మీరట్‌లో జరిగింది. ఇందుకు సంబంధించిన[ వీడియో](url) సోషల్ మీడియాలో వైరల్‌గా మారింది. పార్థాపూర్‌లోని రితానీ ప్రాంతంలో కారు యూటర్న్ తీసుకుంటుండగా ఓ ట్రక్కు వేగంగా వచ్చి ఢీకొట్టి.. దానిని 3 కి.మీ ఈడ్చుకెళ్లింది. దీంతో కారులో ఉన్న నలుగురు భీతిల్లిపోయారు. కొంత దూరం వెళ్లి కారు డంపర్‌ను ఢీకొట్టడంతో ట్రక్కు ఆగింది. కారులోని వారు బయటకి దూకి ప్రాణాలు కాపాడుకున్నారు.