లిఫ్ట్‌ ఆగిందని వాచ్‌మెన్‌పై దాడి

ఉత్తర్‌ప్రదేశ్‌ సికందరాలోని రెయిన్‌బో అపార్ట్‌మెంట్‌ వాచ్‌మెన్‌పై ఓ మహిళ దాడి చేసింది. లిఫ్ట్‌ మధ్యలోనే ఆగిందన్న కోపంతో చీపురుతో కొట్టింది. వయసులో పెద్దాయన అన్న గౌరవం లేకుండా చెడామడా తిట్టింది. ఇందుకు సంబంధించిన వీడియో నెట్టింట వైరల్ అవుతోంది. అనిత అనే మహిళ ఈ దాడి చేసినట్లు వాచ్‌మన్‌ జగదీశ్‌ తెలిపాడు. వివరణ ఇస్తున్నా వినకుండా కొట్టిందని ఆవేదన వ్యక్తం చేశాడు. ఘటనపై కేసు నమోదు చేసిన పోలీసులు దర్యాప్తు చేస్తున్నారు.