వావ్.. పొలార్డ్ సూపర్ క్యాచ్

వెస్టిండీస్ ఆల్‌రౌండర్ కీరన్ పొలార్డ్ అద్భుతమైన ఫీల్డర్ అని మనకు తెలుసు. ఐపీఎల్‌లో బౌండరీ వద్ద ఎన్నో క్యాచులను ఒంటిచేత్తో పట్టాడు. తాజాగా, ఇంటర్నేషనల్ లీగ్ T20 టోర్నీలో ఓ సూపర్ క్యాచ్‌ని అందుకున్నాడు. ముంబై ఎమైరేట్స్, డెజర్ట్ వైపర్స్ మధ్య జరిగిన ఈ మ్యాచ్‌లో ఈ అద్భుతం చోటు చేసుకుంది. డెజర్ట్ వైపర్స్ బ్యాట్స్‌మన్ కాలినో మున్రో కొట్టిన షాట్‌ని లాంగ్ ఆఫ్‌లో ఉన్న పొలార్డ్ ఒంటిచేత్తో అందుకున్నాడు. బౌండరీకి కాస్త దూరంలో నిలబడి ఎడమవైపుకి ఎగిరి క్యాచ్ పట్టాడు. అనంతరం బౌండరీకి తాకకుండా శరీరాన్ని నియంత్రించుకున్నాడు.