ఛత్తీస్‌గడ్‌లో కూలిన కాంగ్రెస్ స్టేజీ

[VIDEO](url): కాంగ్రెస్ అగ్రనేత రాహుల్ గాంధీ లోక్‌సభ సభ్యత్వం రద్దును నిరసిస్తూ ఆ పార్టీ దేశవ్యాప్త నిరసనలకు పిలుపునిచ్చిన సంగతి తెలిసిందే. ఇందులో భాగంగా ఛత్తీస్‌గడ్‌లోని బిలాస్‌పూర్‌లో కాంగ్రెస్ నేతలు ఆదివారం రాత్రి కాగడాలతో ర్యాలీ నిర్వహించారు. అనంతరం ఏర్పాటు చేసిన స్టేజిపై నేతలంతా నిలబడి ప్రసంగాలు మొదలు పెట్టారు. ఈ క్రమంలో ఉన్నట్టుండి స్టేజి కూలిపోయింది. దీంతో ఒక్కసారిగా నేతలంతా కింద పడిపోయారు. కాంగ్రెస్ రాష్ట్ర అధ్యక్షుడు మోహన్ మర్కం కూడా ఇందులో ఉండటం గమనార్హం. అయితే, ఎవరికీ గాయాలు కాకపోవడంతో ఊపిరి పీల్చుకున్నారు.