మొసలిని భుజాలపై ఎత్తుకొన్న యువకుడు

ఓ యువకుడు మొసలిని భుజాలపై మోస్తున్న వీడియో వైరల్‌గా మారింది. ఉత్తర్‌ప్రదేశ్‌లోని రాజ్‌వారా అనే గ్రామంలోని ఓ చెరువులో మొసలి కనిపించింది. దీంతో గామస్థులు అటవీశాఖ అధికారులకు సమాచారం అందించారు. ఇద్దరు యువకుల సహాయంతో అధికారులు మొసలిని తాళ్లతో బంధించారు. మొసలిని అమాంతం తన భుజాలపై ఎత్తుకున్న ఓ యువకుడు 300 మీటర్ల దూరంలో ఉన్న అటవీశాఖ వాహనం వద్దకు చేర్చాడు. దీనికి సంబంధించిన వీడియో నెట్టింట వైరల్‌గా మారింది.