అద్భుత ఫీల్డింగ్.. సచిన్ స్మార్ట్ రిప్లై

బౌండరీ వద్ద అద్భుత ఫీల్డింగ్ విన్యాసాలు అభిమానులను ఆశ్చర్య పరుస్తుంటాయి. తాజాగా ఓ గల్లీ క్రికెట్ మ్యాచ్‌లోనూ అరుదైన సన్నివేశం చోటు చేసుకుంది. బౌండరీ దాటే బంతిని ఓ ఫీల్డర్ వినూత్నంగా సేవ్ చేశాడు. బౌండరీ వద్ద బంతిని అందుకుని గాల్లోకి ఎగిరేశాడు. ఆ లోగా ఫీల్డర్ బౌండరీని దాటడంతో గాల్లో ఉన్న బంతిని బైసికిల్ కిక్‌తో మళ్ళీ మైదానంలోకి తన్నాడు. దీంతో మరో ఫీల్డర్ ఆ బంతిని అందుకున్నాడు. దీనికి సచిన్ స్పందిస్తూ.. ‘ఫుట్‌బాల్ ఆడే వ్యక్తితో క్రికెట్ ఆడిస్తే ఇలాగే ఉంటుంది’ అని కామెంట్ చేశాడు.