కుప్పకూలిన టీడీపీ స్టేజ్

తెలుగుదేశం పార్టీ మీటింగ్‌లో అపశృతి చోటుచేసుకుంది. వేదిక ఒక్కసారిగా కూలిపోవడంతో పలువురికి స్వల్పగాయాలయ్యాయి. ఏలూరు జిల్లా నూజివీడు మండలం బత్తులవారిగూడెంలో టీడీపీ ఆధ్వర్యంలో సభ జరిగింది. ఈ క్రమంలో అకస్మాత్తుగా ఈదురుగాలులు రావడంతో వేదిక ఒక్కసారిగా కుప్పకూలింది. వేదికపై ప్రసంగిస్తున్న మాజీ హోంమంత్రి చినరాజప్ప, చింతమనేని ప్రభాకర్‌లకు స్వల్పగాయాలయ్యాయి. వెంటనే అప్రమత్తమైన కార్యకర్తలు నాయకులను పైకి లేపారు.