మరోసారి ఆకట్టుకున్న జపాన్ ఫ్యాన్స్

ఫుట్‌బాల్ స్టేడియంలో చెత్త ఏరి జపాన్ ఫ్యాన్స్ మరోసారి అందరి మనసు దోచుకున్నారు. ఫిఫా వరల్డ్‌కప్‌లో భాగంగా జర్మనీతో జరిగిన మ్యాచ్‌లో జపాన్ 2-1 తేడాతో గెలిచింది. ఈ సందర్భంగా సంబరాలు చేసుకున్న జపాన్ ఫ్యాన్స్.. స్టేడియంలో ఉన్న పేపర్లు, జెండాలు, బ్యానర్లు, పోస్టర్లను ఏరి బయటికి తీసుకురావడం ఆశ్చర్యం కలిగించింది. ఇందుకు సంబంధించిన [వీడియో](url)ను ఫిఫా వరల్డ్‌కప్ ఇంటర్నెట్‌లో పెట్టింది. అది క్షణాల్లోనే వైరల్‌గా మారింది. జపాన్ ఫ్యాన్స్ పరిశుభ్రతకు అందరూ ఫిదా అవుతున్నారు.