కేసీఆర్‌కు మా సంపూర్ణ మద్దతు: ఒవైసీ

తెలంగాణ ఎన్నికల్లో సంపూర్థ మద్దతు ఇస్తున్నట్లు ఎంఐఎం పార్టీ అధినేత అసదుద్ధీన్ ఒవైసీ ప్రకటించారు. పేదల కోసం కేసీఆర్‌ చాలా పథకాలు తీసుకొచ్చారని కొనియాడారు. బీఆర్‌ఎస్ విడుదల చేసిన మేనిఫెస్టో అద్భుతంగా ఉందన్నారు. కేసీఆర్‌ తెలంగాణకు హ్యాట్రిక్‌ సీఎం అవుతారని అసదుద్ధీన్ అభిప్రాయపడ్డారు. రాష్ట్ర అభివృద్ధి, సుఖశాంతుల కోసం మూడోసారి కేసీఆర్‌ను గెలిపించాలని ప్రజలకు ఒవైసీ విజ్ఞప్తి చేశారు. బీజేపీ, కాంగ్రెస్‌ దొందూ దొందేనని విమర్శించారు.